దీన్ని బీజేపీ ఖండిస్తున్నదని అన్నారు. కళ్ళ ఎదుటే బీజేపీ కార్యకర్తల పైన దాడులు జరుగుతుంటే పోలీసులు ప్రేక్షక పాత్ర వహించడం దుర్మార్గమని బండి సంజయ్ అన్నారు. కొన్ని చోట్ల స్వయంగా పోలీసులే విచక్షణారహితంగా బీజేపీ కార్యకర్తల పై లాఠీలు ఝళిపించారని, బాధితులు వెళ్లి పోలీసులకు ఫిర్యాదు చేస్తే తిరిగి బాధితుల పైనే కేసులు బనాయించారని ఆయన అన్నారు. ఇదంతా చూస్తుంటే ఈ తతంగం అంతా సీఎం, డీజీపీ ల డైరెక్షన్ లోనే జరుగుతున్నట్లు స్పష్టమవుతుందని ఆయన అన్నారు. ఎన్ని దాడులు జరిగినా, కార్యకర్తల కాళ్ళు చేతులు విరిగినా బీజేపీ నాయకులు, కార్యకర్తలు సంయమనం పాటించి ప్రశాంతంగా ఎన్నికలు జరగడానికి సహకారం అందించారని సంజయ్ అన్నారు. 

బీజేపీ కార్యకర్తల మీద జరిగిన దాడులకు రాష్ట్ర డిజిపి బాధ్యత వహించాలని ఆయన డిమాండ్ చేశారు. ఈ దాడులు ఎదుర్కొని ప్రజాస్వామ్య తెలంగాణ ను నిర్మించడానికి బీజేపీ సిద్ధంగా ఉందని ఆయన అన్నారు. ఇక మరి కాసేపట్లో మొన్న జరగని ఓల్డ్ మలక్ పేట డివిజన్ ఎన్నికలు ప్రారంభం కానున్నాయి. డిసెంబర్ 1 పోలింగ్ న బ్యాలెట్ పత్రాల్లో తప్పులు దొర్లడంతో రిపోలింగ్ నిర్వహించాలని ఎస్ఈసి నిర్ణయం తీసుకుంది. సీపీఐ అభ్యర్థి గుర్తు కంకి కొడవలి గుర్తుకు బదులు సుత్తి కొడవలి గుర్తు ముద్రించారు. ఈ అంశం మీద ఆర్వోను సస్పెండ్ చేసిన ఎన్నికల కమిషన్ ఈరోజు ఎన్నికలు నిర్వహిస్తోంది.