హిట్ 2 స్క్రిప్ట్ వర్క్ ప్రస్తుతం నడుస్తోంది. అడవి శేష్ ఈ సినిమాకు గ్రీన్ సిగ్నల్ ఇవ్వాల్సి ఉంది. హిట్ పార్ట్ వన్ బాక్సాఫీస్ వద్ద డీసెంట్ హిట్ నమోదు చేసుకుంది. విశ్వక్ సేన్ ప్రధాన పాత్రలో కనిపించాడు. నానికి చెందిన వాల్ పోస్టర్ బ్యానర్ పై హిట్ 2 సినిమా తెరకెక్కనుందని తెలుస్తోంది. ఇందుకు సంబంధించిన అధికారిక ప్రకటన రావాల్సి ఉంది. ప్రసుతం నానీ బ్యాక్ టు బ్యాక్ ఫిలిమ్స్ తో తెగ బిజీగా ఉన్నాడు. 2021లో నానీ ఫిలిమ్స్ విడుదలకు సిద్ధంగా ఉన్నాయి.  

హిట్ సీక్వల్ లో విశ్వక్ సేన్ కనిపించకపోవచ్చని టాక్. అడవి శేష్ విశ్వక్ సేన్ పాత్రను దక్కించుకునే అవకాశాలున్నాయని ఫిలిం సర్కిల్ లో బలంగా వినిపిస్తోంది. శైలేష్ కొలను డైరెక్షన్ లో ఈ సినిమా రాబోతోంది. అడవి శేష్ తో శైలేష్ తరచూ ఈ సినిమాకి సంబంధించి చర్చలు పెడుతున్నారని సమాచారం.