కాగా, ఈసారి నమోదు అయిన విధంగా ఓట్లు మునుపెన్నడూ జరగలేదని అంటున్నారు. ఈ మేరకు తుది ఓటింగ్‌ శాతాన్ని జీహెచ్‌ఎంసీ ఎన్నికల అధికారి లోకేష్‌ కుమార్‌ బుధవారం అధికారికంగా ప్రకటించారు. గ్రేటర్‌లో 149 డివిజన్లకు జరిగిన ఎన్నికలకు సంబంధించి తుది పోలింగ్‌ శాతాన్ని వెల్లడించారు. 46.68 ఓటింగ్‌ శాతం నమోదైనట్లు ఆయన వెల్లడించారు. కంచన్‌బాగ్‌లో అత్యధికంగా 70.39 శాతం నమోదవగా యూసఫ్‌గూడలో అత్యల్పంగా 32.99 శాతం నమోదైందన్నారు. గత 20 ఏళ్లలో జీహెచ్‌ఎంసీ ఎన్నికల్లో ఈసారే అత్యధిక ఓటింగ్‌ నమోదైనట్లు పేర్కొన్నారు. 2009 ఎన్నికల్లో 42.04 శాతం, 2016లో 45.29 శాతం ఓటింగ్‌ నమోదైనట్లు తెలిపారు.

ఆ ప్రాంతంలో గతం లో కన్నా కూడా ఇప్పుడు ఎన్నికల్లో 1.31 శాతం పోలింగ్‌ పెరిగిందన్నారు. గ్రేటర్‌ పరిధిలోని మొత్తం 150 డివిజన్లకుగాను 149 డివిజన్లలో మంగళవారం పోలింగ్‌ జరిగింది. ఈరోజు మలక్ పేటలో  ఎన్నికలు జరుగుతున్నాయి.. ఈ పోలింగ్ అనంతరం ఓట్ల లెక్కింపు కార్యాలయానికి ఈ బ్యాలెట్ లను అక్కడే తరలించనున్నారు.. రేపు ఉదయం 11 గంటలకు ఓట్ల లెక్కింపు అధికారుల తో ఎన్నికల కమీషన్ భేటీ అయ్యి లెక్కింపు పై పూర్తి సమాచారాలు అందించి లెక్కింపును ప్రారంభించనున్నట్లు తెలుస్తుంది.. తెరాస పార్టీకి విజయం అందుకొనే సూచనలు ఉన్నాయని తెలుస్తోంది..