అలాగే ఎవరు ఆయుధాలతో తిరిగి రాదని, చేతుల్లో కర్రలు , లాఠీలు , పేలుడు పదార్థాలు ఇతర ఆయుధాలు ఏవి ఎవరి వద్ద ఉండకూడదని సీపీ స్పష్టం చేశారు. ఇక ఊరేగింపులు , గుంపులు గుంపులుగా జనాలు ఒకే చోట చేరడం,  సభలు , సమావేశాలు నిర్వహించడం వంటి వాటిని కూడా నిషేధిస్తున్నట్లు, ఎక్కడైనా తాత్కాలికంగా టెంట్లు వేసినా, స్టేజీలు ఏర్పాటుచేసినా, అలాగే మైకులు, పబ్లిక్ లౌడ్ స్పీకర్లు ఉపయోగించినా, కఠిన చర్యలు తీసుకుంటామని హెచ్చరించారు. అలాగే రోడ్ల పైన కూడళ్ళలో స్పీచ్ లు ఇవ్వడం , ప్రదర్శనలు నిర్వహించడం , ప్ల కార్డుల ప్రదర్శనలు, మత విద్వేషాలను రెచ్చగొట్టడం వంటివి చేయకూడదని నగర పోలీస్ కమిషనర్ ఉత్తర్వులు స్పష్టంగా తెలియజేశారు. 

ఇక నగరంలో శాంతి భద్రతలను పరిరక్షించేందుకు 

పోలీసులు, పారామిలటరీ, హోమ్ గార్డ్స్ తో

భారీ భద్రతను ఏర్పాటు చేశారు. అలాగే ఎన్నికల డ్యూటీలో ఉన్న వారికి ఈ నిబంధనల నుంచి సడలింపు ఇచ్చారు. అలాగే నగరంలో అల్లర్లు జరిగే అవకాశం ఉండడంతో , ముందుగా నగరంలో భారీ నిఘా ఏర్పాటు చేసినట్లు తెలుస్తోంది. అల్లర్లు జరిగే ప్రాంతాల్లో ముందస్తుగా భారీ బందోబస్తు ఏర్పాటు చేశారు. మొత్తంగా నగరం మొత్తం పోలీసుల నిఘా నీడలో ఉన్న నేపథ్యంలో , పైన తెలిపిన అన్ని విషయాలను గుర్తుపెట్టుకుని వాటికి అనుగుణంగా వ్యవహరించకపోతే కోరి కష్టాలు తెచ్చుకున్నట్టే.