మొదటిసారి హార్ట్ ఎటాక్ వచ్చిన తర్వాత చాలామంది మహిళలు.. ముఖ్యంగా వయస్సు మీదపడిన స్త్రీలు.. కొన్ని ప్రతికూల పరిస్థితులు ఎదుర్కొంటున్నట్లు తెలుసుకున్నారు. వారిలో ఎక్కువ మందికి హార్ట్ ఫెయిల్యూర్ అవుతున్నట్లు కనుగొన్నారు. మొత్తం రోగుల్లో 24,737 మందిలో హార్ట్ ఎటాక్ సమస్య (NSTEMI) తక్కువగా ఉన్నట్లు గుర్తించారు. వీరిలో 34.3 శాతం మహిళలు, 65.7 శాతం పురుషులు ఉన్నారు. అంటే.. గుండె సమస్యలను స్వల్పంగా ఎదుర్కొనేవారిలో పురుషుల శాతమే ఎక్కువగా ఉంది. అలాగే.. మొత్తం రోగుల్లో 20,327 మంది రోగులు స్టెమీ సమస్య.. అంటే హార్ట్ ఎటాక్‌ ఎదుర్కొటున్నట్లు తెలుసుకున్నారు. వీరిలో 26.5 శాతం మంది స్త్రీలు, 73.5 శాతం మంది పురుషులు ఉన్నారు. అయితే, పురుషులతో పోల్చితే.. మహిళలు ఐదేళ్లలోనే హార్ట్ ఫెయిల్యూర్ వల్ల చనిపోతున్నట్లు తెలుసుకున్నారు. మొదటిసారి హార్ట్ ఎటాక్‌తో హాస్పిటల్‌లో చేరిన మహిళలు అప్పటికే ఇతరాత్ర అనారోగ్య సమస్యలు ఎదుర్కొంటున్నట్లు పరిశోధకులు తెలుసుకున్నారు. బీపీ, డయాబెటీస్, ఫైబ్రిలేషన్, క్రానిక్ అబ్స్ట్రక్టివ్ పల్మనరీ వంటి వ్యాధులు గుండెను మరింత బలహీనం చేయడం వల్లే వారు త్వరగా చనిపోతున్నారని తెలుసుకున్నారు.
 
 
 
 ఈ అధ్యయనానికి నేతృత్వం వహించిన కెనడియన్ విగౌర్ సెంటర్ కో-డైరెక్టర్, కార్డియాలజిస్ట్ జస్టిన్ ఎ.ఎజేకోవిట్జ్ మాట్లాడుతూ.. ‘‘మొదటిసారి హార్ట్ ఎటాక్ వచ్చిన తర్వాత మహిళలు మరింత అప్రమత్తంగా ఉండాల్సిన అవసరం ఉందని ఈ స్టడీ ద్వారా తెలుసుకున్నాం. శరీరంలో కొవ్వు తగ్గించుకోవడం, బీపీ నియంత్రణలో ఉంచుకోవడమే కాకుండా.. నిత్యం వ్యాయామం చేయడం, ఆరోగ్యకరమైన ఆహారాన్ని తీసుకోవడం వల్ల మరణం నుంచి బయటపడొచ్చు. స్మోకింగ్ అస్సలు మంచిది కాదు. ఇంకా ఏమైనా చెడు వ్యసనాలు ఉంటే.. వాటిని విడిచిపెట్టడమే ఉత్తమం’’ అని తెలిపారు.

 
 ముఖ్య గమనిక: ఈ సమాచారం కేవలం మీ అవగాహన కోసమే అందించాం. పలు అధ్యయనాల్లో తేలిన అంశాలను మీకు తెలియజేయడానికే వివిధ మాధ్యమాల ద్వారా సేకరించిన ఈ కథనం. మరింత సమాచారం తెలుసుకోవాలంటే తప్పకుండా వైద్యులను, ఆహార నిపుణులను సంప్రదించాలని మనవి.