మన నగరం మన భవిష్యత్తు అంటూ నాగార్జున జిహెచ్ఎంసి ఎన్నికలపై అందరినీ చైతన్యం చేస్తూ,  ఓటు హక్కు ప్రతి ఒక్కరూ వినియోగించుకోవాలని కోరుతూ.. వీడియో సందేశాన్ని విడుదల చేశారు. " మన నగరం ..మన రాజధాని... మన హైదరాబాద్... మన భవిష్యత్... మన పాలన ...మన ఓటు అన్ని మన చేతుల్లోనే ఉన్నాయి ఓటు వేద్దాం మన శక్తిని చూపిద్దాం " అంటూ ఆ వీడియో సందేశం లో మెసేజ్ ఇచ్చాడు. అలాగే విజయ్ దేవరకొండ సైతం అదే వీడియోలో ఓటర్లకు సందేశాన్ని ఇచ్చారు.

 " అందరికీ నమస్కారం డిసెంబర్ 1న హైదరాబాద్ జిహెచ్ఎంసి ఎన్నికలు ఉన్నాయి. నగర పౌరులు ప్రతి ఒక్కరూ ఓటు హక్కును వినియోగించుకోవాలి. సామాజిక బాధ్యతతో వచ్చి ఓటు వేయండి " అంటూ రౌడీ హీరో విజయ్ సందేశం ఇచ్చారు. ఇక నటుడు ప్రకాష్ సైతం సోషల్ మీడియా ద్వారా ఓటు హక్కును వినియోగించుకోవాలని గ్రేటర్ ప్రజలను కోరారు .  ఇంకా అనేకమంది యాంకర్లు సైతం తమకు తోచిన విధంగా ఓటర్లను చైతన్యవంతం చేశారు.