પીએમ મોદી પર મમતા બેનર્જીએ કર્યો હુમલો, કહ્યું- પીએમ કેરેસ ફંડમાં આવેલ લાખો-કરોડો રૂપિયાનું શું થયુ

પીએમ કેરેસ ફંડનું ઓડિટ કેમ નથી

પશ્ચિમ બંગાળના મુખ્યમંત્રી મમતા બેનર્જીએ મંગળવારે કહ્યું કે સામાન્ય લોકોએ પીએમ કેરેસ ફંડમાં લાખો કરોડોનું દાન આપ્યું છે. લોકોએ આ પૈસા કોરોના સામે લડવા માટે આપ્યા હતા. આવી સ્થિતિમાં, સવાલ એ છે કે જો આટલી મોટી રકમ આપવામાં આવી છે, તો તેનું ઓડિટ કેમ નહીં થઈ શકે? જનતાને તેના વિશે જાણવાનો અધિકાર છે પરંતુ સરકાર હિસાબ આપવાને બદલે ભાષણ આપી રહી છે.

અમે બીજેપીના હીસાબે નહી ચાલીએ

મમતા બેનર્જીએ કહ્યું કે, રાજ્ય સરકાર અમલ કરવાનો અધિકાર છે. જો રાજ્યમાં પહેલેથી જ કોઈ યોજના ચાલી રહી છે, તો આપણે આવી જ યોજના કેમ ચલાવવી જોઈએ? બસ, કારણ કે ભાજપ એક સમાન બે યોજનાઓ ચલાવવા માંગે છે, તો શું આપણે ભાજપ પ્રમાણે સરકાર અને યોજનાઓ ચલાવીશું?

આ ગુજરાત નહી બંગાળ છે

મમતા બેનર્જીએ નરેન્દ્ર મોદી અને ભારતીય જનતા પાર્ટીને પડકારજનક સ્વરમાં કહ્યું કે, પશ્ચિમ બંગાળ ગુજરાત કે ઉત્તર પ્રદેશ નથી. બહારથી કેટલાક ગુંડાઓ અહીં દસ્તક આપી રહ્યાં છે પરંતુ તમે અહીં સંઘીય સંરચનાને તોડફોડ કરી શકશો નહી. બંગાળના લોકો લડ્યા વિના ભાજપને એક ઇંચ પણ નહીં આપે. મમતા બેનર્જીએ એમ પણ કહ્યું હતું કે ભાજપ પાર્ટી કાર્યાલય ન્યૂઝ ચેનલોને હેડલાઇન્સ આપી રહી છે. પીએમઓ દ્વારા સંપાદકોનો નિર્ણય લેવામાં આવી રહ્યો છે પરંતુ ભાજપે સમજી લેવું જોઈએ કે તેઓ પશ્ચિમ બંગાળમાં જીત મેળવી શકશે નહીં.