మొదట జీహెచ్ఎంసి ఎన్నికల్లో పోటీ చేయనున్నట్లు పవన్ ప్రకటించటం, కొందరికి బీఫారంలు జారీ చేయటం తర్వాత పోటీ నుండి విత్ డ్రా చేసుకుంటున్నట్లు చెప్పిన విషయాలను సదరు పత్రిక తన కథనంలో వివరంగా ప్రస్తావించింది. 2014లోనే పార్టీ పెట్టిన పవన్ అప్పటి ఎన్నికల్లో పోటీ చేయకుండా కేవలం బీజేపీ, టీడీపీలకు మద్దతుగా మాత్రమే ప్రచారం చేసిన విషయాన్ని కూడా గుర్తుచేసింది.ఆ తర్వాత జరిగిన గ్రేటర్ ఎన్నికల్లో అసలు పోటీ విషయాన్నే పట్టించుకోలేదని చెప్పింది. తర్వాత 2018లో జరిగిన తెలంగాణా ముందస్తు ఎన్నికలకు ముందు బాగా హడావుడి చేసిన పనవ్ చివరకు ఎన్నికల్లో పోటీ చేయటం లేదని ప్రకటించిన విషయాన్ని ప్రస్తావించింది. తర్వాత 2019లో ఏపి ఎన్నికల్లో పోటీ చేయటం, రెండుచోట్ల ఓడిపోవటం, పార్టకి వచ్చిన ఓట్ల శాతాన్ని కూడా తన కథనంలో వివరించింది.