കോവിഡ് വാക്‌സിൻ ലഭിച്ചാലും മാസ്ക് ധരിക്കണമെന്ന് ഐ.സി.എം.ആര്‍ മേധാവി

കോവിഡ് പ്രതിരോധ വാക്സിന്‍ ലഭ്യമായാലും നിലവിലുള്ള കോവിഡ് പ്രോട്ടോക്കോള്‍ പാലിക്കേണ്ടി വരുമെന്നും മാസ്ക് ഒഴിവാക്കാനാവില്ലെന്നും ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ച് ചീഫ് പ്രൊഫസര്‍ ബല്‍റാം ഭാര്‍ഗവ വ്യക്തമാക്കി. ലക്നൌവിലെ കിംഗ് ജോര്‍ജ്ജ് മെഡിക്കല്‍ യൂണിവേഴ്സിറ്റി സംഘടിപ്പിച്ച വെബ്ബിനാറില്‍ സംസാരിക്കുകയായിരുന്നു അദ്ദേഹം.

2021 ജൂലൈയിൽ 30 കോടി ആളുകൾക്ക് കോവിഡ് വാക്സിൻ നൽകാനാണ് ഞങ്ങളുടെ ലക്ഷ്യം. തുടര്‍ന്നുള്ള കാര്യങ്ങള്‍ അതിന് ശേഷം തീരുമാനിക്കും. ഇന്ത്യ വികസിപ്പിക്കുന്ന വാക്സിന്‍ രാജ്യത്തിന് വേണ്ടി മാത്രമുള്ളതല്ല, 60 ശതമാനം വികസ്വര രാഷ്ട്രങ്ങള്‍ക്ക് വേണ്ടിയുള്ളതാണ്. 24 നിര്‍മ്മാണ യൂണിറ്റുകളും 19 സ്ഥാപനങ്ങളും കോവിഡ് വാക്സിന്‍ വികസിപ്പിച്ചെടുക്കാന്‍ പങ്കാളികളാകുമെന്നും ഭാര്‍ഗവ കൂട്ടിച്ചേർത്തു.