బిజెపికి మద్దతుగా ఇప్పుడు రాజ్ న్యూస్ ముందుకు వెళుతోంది. అయితే మరీ ఏకపక్షంగా బీజేపీ వకాల్తా పుచ్చుకోకుండా, టిఆర్ఎస్ ప్రభుత్వం తప్పిదాలను హైలెట్ చేస్తూ వస్తున్నారు. ప్రజల నాడిని పసిగట్టడం లోనూ ఏ విధంగా వార్తను ప్రజెంట్ చేస్తే అనుకున్న లక్ష్యాన్ని చేరుకోవచ్చు అనే విషయంలోనూ ఎలా ముందుకు వెళ్లాలి అనే విషయం  రవి ప్రకాష్ బాగా తెలుసు. దీనికితోడు దుబ్బాక ఉప ఎన్నికలలో రవి ప్రకాష్ వ్యూహాలు బాగా వర్కవుట్ కావడంతో, బిజెపి ఆయనను ఫాలో అవుతున్న ట్లూ ప్రచారం జరుగుతోంది. గ్రేటర్ ఎన్నికల లో బిజెపికి ఈ ఊపు రావడానికి రవి ప్రకాష్ సలహాలే కారణమని, అందుకే గ్రేటర్ లో ఎటువంటి ప్లాన్లు అమలు చేయాలనే విషయాలపై బిజెపి ముఖ్య నేతలు నిర్వహించిన సమావేశాలకు సైతం ఆహ్వానాలు అందుతున్న ట్టు రాజకీయవర్గాలలో ప్రచారం అవుతోంది.

 ప్రస్తుతం రాజ్ న్యూస్ కు ఫండింగ్ మొత్తం బీజేపీ నుంచే వస్తుందనే గుసగుసలు వినిపిస్తున్నాయి. అందుకే ఎప్పుడూ లేనంతగా ఆ ఛానెల్ లో బిజెపి అనుకూలత కథనాలను వస్తున్నట్టుగా అందరిలోనూ అనుమానాలు కలుగుతున్నాయి. తనను టీవీ9 నుంచి ఒక ప్లాన్ ప్రకారం పంపించడంలో టిఆర్ఎస్ ప్రభుత్వ పెద్దల హస్తం కూడా ఉండడం, తనను అన్ని రకాలుగా ఇబ్బంది పెట్టే విధంగా వ్యవహరించడం వీటన్నిటిని దృష్టిలో పెట్టుకునే రవి ప్రకాష్ బిజెపి కి ఊపు తెచ్చే విధంగా  వ్యవహరిస్తూ వస్తున్నారు అనే అనుమానాలు వ్యక్తమవుతున్నాయి.