అప్పటివరకు బిజెపి పై దండయాత్ర అంటూ హడావుడి చేసి,  చివరకు ఆ పార్టీకి అర్జెంటుగా సైనికులందరూ మద్దతు ఇచ్చి గెలిపించాలని ఒక ప్రకటన చేశారు. దీంతో అసలు మా పవన్ కళ్యాణ్ ఎంత మంచి వా డో అంటూ బీజేపీ నేతలు 4 పొగడ్తలు పొగిడేశారు. ఆ సీన్ అక్కడితో కట్ చేస్తే , పవన్ ఇప్పుడు ఢిల్లీలో తేలారు. కేంద్ర బిజెపి అందరిని కలిసి గ్రేటర్ లో మేం చేసిన త్యాగం గుర్తించి ఏపీలోని తిరుపతిలో మాకు పోటీ చేసే అవకాశం ఇవ్వండి మహా ప్రభో అంటూ వినతి తో కూడిన డిమాండ్ చేసేందుకు మనోహరుడితో పవన్ డిల్లీ లో చక్కర్లు కొడుతున్నారు.

 తిరుపతి టికెట్ జనసేనకి అనే హామీ ఇచ్చే వరకు తాను ఊరుకునేది లేదు అంటూ పవన్ కొత్త షరతులు ఎన్నో విధిస్తూ , ప్రస్తుతం హడావుడి చేస్తున్నారట. ఒకవేళ ససేమిరా అంటూ బీజేపీ నాయకులు మొండికేస్తే, తాట తీస్తా అని సినిమా డైలాగులు సైతం పలికేందుకు కూడా పవన్ సిద్దం అయ్యే ఢిల్లీకి వెళ్లారు అంటూ ఇక్కడ సైనికులు హడావుడి చేసేస్తున్నారు..