ایردوآن کے بیان کے جواب میں فرانس نے ترکی سے اپنا سفیر واپس بلا لیا

WEB DESK

ترک صدر رجب طیب ایردوآن کی طرف سے فرانسیسی صدر کو تنقید کا نشانہ بنائے جانے کے بعد فرانس نے ترکی سے اپنا سفیر واپس بلا لیا ہے۔ ترک صدر ایردوآن نے گزشتہ روز اپنے ایک خطاب میں یورپ میں ’اسلام مخالف‘ اقدامات کو تنقید کا ہدف بنایا تھا۔ انہوں نے فرانسیسی صدر ایمانویل ماکروں پر الزام عائد کیا کہ وہ آزادی مذہب کو نہیں سمجھ رہے اور یہ کہ انہیں دماغی معائنے يا علاج کی ضرورت ہے۔ یہ معاملہ پیرس میں ایک 18 سالہ نوجوان کے ہاتھوں ایک استاد کے قتل کے ایک ہفتے بعد سامنے آیا ہے۔ اس استاد نے اپنی کلاس میں پیغمبر کے اسلام کے خاکے طلبہ کو دکھائے تھے۔