Samsett hlutfall* í ágúst 2020 var 93,1% og það sem af er ári er 108,9%. Samsett hlutfall síðustu 12 mánaða er 104,6%. Við sjáum áfram merki um lækkun á tíðni tjóna sem endurspeglast í samsettu hlutfalli í ágúst. 

VÍS greiddi viðskiptavinum sínum tæpan 1,2 milljarð króna í tjónabætur** í ágúst og hefur greitt viðskiptavinum sínum tæpa 11,4 milljarða króna í tjónabætur það sem af er ári. 

Ávöxtun fjárfestingaeigna í ágúst var 1,1% en ávöxtun til loka ágúst frá áramótum var 6,0%. 

*Samsett hlutfall er tjónakostnaður, endurtryggingakostnaður og rekstrarkostnaður af vátryggingastarfsemi sem hlutfall af iðgjöldum tímabilsins samkvæmt leiðbeinandi tilmælum Seðlabanka Íslands, fjármálaeftirlits nr. 1/2020. 

**Hafa skal í huga að tjónakostnaður tryggingafélaga getur sveiflast á milli mánaða.



Nánari upplýsingar veitir Erla Tryggvadóttir, samskiptastjóri VÍS, í síma 660-5260 eða með netfanginu erlat@vis.is