Þann 6. desember 2018 birti Landsbankinn tilkynningu um að bankinn byðist til að kaupa hluti af hluthöfum samkvæmt endurkaupaáætlun á tímabilinu 10. desember 2018 til 20. desember 2018. Á endurkaupatímabilinu keypti Landsbankinn samtals 14.995.121 eigin hluti á genginu 9,9787 að kaupvirði 149.631.819 krónur.
Landsbankinn átti um 360,5 milljónir eigin hluti fyrir viðskiptin á endurkaupatímabilinu og á að því loknu um 375,5 milljónir eigin hluti eða sem nemur um 1,56% af útgefnum hlutum í félaginu.
Endurkaup samkvæmt áætluninni gátu numið að hámarki samtals 72,5 milljónum hluta eða sem nam um 0,3% af útgefnu hlutafé.
Framkvæmdastjórar hjá bankanum seldu ekki hluti í bankanum á endurkaupatímabilinu.
Upplýsingar veita:
Rúnar Pálmason, upplýsingafulltrúi, samskipti@landsbankinn.is og í síma 410 6263
Hanna Kristín Thoroddsen, fjárfestatengsl, ir@landsbankinn.is og í síma 410 7310