தமிழகம் முழுவதும் கடையடைப்பு போராட்டம் Dinamalar

சம்பவம் செய்தி

தமிழ்நாடு

பதிவு செய்த நாள் : ஏப்ரல் 03,2018,23:42 IST

தமிழகம் முழுவதும்

கடையடைப்பு போராட்டம்

சென்னை : காவிரி மேலாண்மை வாரியம் அமைக்காத, மத்திய அரசை கண்டித்து, தமிழ்நாடு வணிகர் சங்கங்களின் பேரமைப்பு அறிவித்தபடி, தமிழகம் முழுவதும், வியாபாரிகள் நேற்று, கடையடைப்பு போராட்டம் நடத்தினர். இதனால், சென்னை, கோயம்பேடு மார்க்கெட்டில், அனைத்து கடைகளும் மூடப்பட்டு இருந்தன.

வெறிச்சோடியது:

அதேபோல, எப்போதும் கூட்ட நெரிசலில் சிக்கி தவிக்கும், தி.நகர் பகுதியும், கடையடைப்பால் வெறிச்சோடியது. மற்ற மாவட்டங்களிலும், கடைகள் மூடப்பட்டு இருந்தன; மருந்து கடைகளும் அடைக்கப்பட்டு இருந்தன. குடியிருப்பு பகுதிகளில் மட்டும், சில கடைகள் திறந்திருந்தன.

இது குறித்து, தமிழ்நாடு வணிகர் சங்கங்களின் பேரமைப்பு தலைவர், விக்கிரமராஜா கூறியதாவது: கடையடைப்பு போராட்டம், 100 சதவீதம் வெற்றி அடைந்துள்ளது. தமிழகம் முழுவதும், 21 லட்சம் கடைகள் அடைக்கப்பட்டிருந்தன. காவிரி பிரச்னையில், மத்திய அரசுக்கு அழுத்தம் கொடுக்கும் வகையில், வியாபாரிகள் கடை அடைப்பு செய்துள்ளனர்.

TN,Tamilnadu,தமிழகம்,தமிழ்நாடு,கடையடைப்பு,போராட்டம்

ஒத்துழைப்பு:

ஓட்டல்கள் சங்கம், மருந்து வணிகர்கள் சங்கம், காய்கனி வியாபாரிகள் சங்கம், ஜவுளி, நகைக்கடை நிறுவனங்கள் உள்ளிட்ட அனைத்து சங்கங்களும் ஆதரவு தெரிவித்து, கடைஅடைப்பில் பங்கேற்றன. போராட்டம் வெற்றி பெற ஒத்துழைத்த வணிகர்கள், அரசியல் கட்சி தலைவர்களுக்கு நன்றி. இவ்வாறு அவர் கூறினார்.