Dinamalar

பெங்களூரு:''கர்நாடகாவில், விவசாயிகள் சந்திக்கும் அனைத்து பிரச்னைகளுக்கும், காங்., அரசே காரணம்,'' என, பா.ஜ., தேசியத் தலைவர், அமித் ஷா குற்றஞ்சாட்டி உள்ளார்.

கர்நாடகாவில், சட்டசபைத் தேர்தலுக்கு சில மாதங்களே உள்ள நிலையில், பா.ஜ., தேசியத் தலைவர், அமித் ஷா அம்மாநிலத்தில் சுற்றுப் பயணம் மேற்கொண்டுள்ளார். தாவனகரேயில் நேற்று நடந்த கூட்டத்தில், அமித் ஷா பேசியதாவது:


பா.ஜ., ஆட்சியில் உள்ள, குஜராத், ம.பி., சத்தீஸ்கர் போன்ற மாநிலங்களில், விவசாயிகள் தற்கொலை மிகக் குறைவு. அதுவும், அவர்களின் தனிப்பட்ட பிரச்னை களுக்காக நிகழ்ந்தவை. மாறாக, கர்நாடகா வில், விவசாயிகள் தற்கொலை அதிகமாக உள்ளது. இங்கு, விவசாயிகள் சந்திக்கும் அனைத்து பிரச்னைகளுக்கும், ஆளும், காங்., கட்சியே காரணம்.கர்நாடகா அரசில் ஊழல்

மலிந்து கிடக்கிறது. இம்மாநிலத்தின் முதல்வர், சித்தராமையா,40 லட்சம் ரூபாய் மதிப்புள்ள கைக்கடிகாரத்தை வைத்திருக்கும், ஒரே சமத்துவ தலைவராக திகழ்கிறார்; இதுவே, அவரது ஊழல் ஆட்சிக்கு உதாரணம்.


மஹாராஷ்டிராவில் அமைந்துள்ள,பா.ஜ., தலைமை யிலான அரசு, விவசாயிகளுக்கு நண்பனாக திகழ்கிறது. பா.ஜ., ஆட்சிக்கு வந்த பின், மஹாராஷ்டிராவில், விவசாயிகள் தற்கொலை வெகுவாக குறைந்துள்ளது. விவசாயிகளுக்கு சிறப்பான எதிர்காலத்தை ஏற்படுத்தி தரும் நோக்கில், பிரதமர், நரேந்திர மோடி திட்டங்களை வகுத்து வருகிறார்.


கர்நாடகாவில் உள்ள, காங்., அரசு, மக்களை பிரித்தாளும் சூழ்ச்சி செய்து வருகிறது. இந்துக் களையே அது பிளவுபடுத்துகிறது. மாறாக, பிரதமர், மோடி, ஹிந்து, முஸ்லிம், சீக்கியர், கிறிஸ்தவர் என அனைவரையும் ஒருங்கிணைக்கிறார்.இவ்வாறு அவர் பேசினார்.

'ஊழல்வாதி' எடியூரப்பா?

கர்நாடகாவில், தேவநகரியில் நடந்த கூட்டத்தில் பேசிய,பா.ஜ., தேசியத் தலைவர், அமித் ஷா, பா.ஜ.,வை சேர்ந்த, எடியூரப்பாவை, ஊழல் பேர்வழி எனப் பேசியதால், சலசலப்பு ஏற்பட்டது.
அமித் ஷா பேசியதாவது:'நம் நாட்டில், மிக