Dinamalar

புதுடில்லி: 'கர்நாடக மாநிலத்தில், சட்டசபைத் தேர்தல், மே, 12ல், ஒரே கட்டமாக நடக்கும்' என, தேர்தல் கமிஷன் அறிவித்துள்ளது.

மே, 15ல், ஓட்டுகள் எண்ணப்பட்டு, முடிவுகள் வெளியாகும்.கர்நாடகாவில், காங்.,கைச் சேர்ந்த, சித்தராமையா முதல்வராக உள்ளார். இந்த அரசு பதவியேற்று ஐந்தாண்டுகள் நிறைவடைய உள்ள நிலையில், டில்லியில் நேற்று, கர்நாடக மாநில சட்டசபைத் தேர்தல் குறித்த அறிவிப்பை, தலைமை தேர்தல் கமிஷனர், ஓ.பி. ராவத் வெளியிட்டார்.

நடத்தை விதிகள்

இதுபற்றி அவர் கூறுகையில்,''கர்நாடக சட்டசபை தேர்தல், மே, 12ல் நடக்கும்; ஓட்டு
எண்ணிக்கை, மே, 15ல் நடக்கும்.

''இந்த தேர்தலில், ஓட்டுப் பதிவு இயந்திரங்களும், ஓட்டு போட்ட தற்கான ஒப்புகை சீட்டு அளிக் கும், வி.வி.பி.ஏ.டி., இயந்திரங்களும் பயன் படுத்தப்படும்,'' என்றார். தேர்தல் கமிஷனரின் இந்த அறிவிப்புடன், கர்நாடகா வில், தேர்தல் நடத்தை விதிகள், அமலுக்கு வந்தன.


கர்நாடக சட்டசபை, 224 உறுப்பினர் பலம் உடையது. 2013ல், நடந்த தேர்தலில், காங்., 36 சதவீத ஓட்டு களுடன், 122 தொகுதிகளை வென்று, ஆட்சியை கைப்பற்றியது; பா.ஜ., 40 இடங்களை வென்றது.தேவ கவுடா தலைமை யிலான, மதச்சார்பற்ற ஜனதாதளம், 40 இடங்களை கைப்பற்றியது.


கர்நாடக சட்டசபை தேர்தலில், முதல்வர் வேட்பாள ராக, தற்போதைய முதல்வர் சித்த ராமையாவை அறிவிக்க,காங்., முடிவு செய்துள்ளது. பா.ஜ., சார்பில், முதல்வர் வேட்பாளராக, முன்னாள் முதல்வர் எடியூரப்பா களமிறங்குவார் என, எதிர்பார்க்கப்படுகிறது.


தேர்தலை கருத்தில் வைத்து, ஆளும், காங்., கட்சி ஏற்கனவே காய்களை நகர்த்தி தயாராக உள்ளது. மாநிலத்தில், 17 சதவீத மக்கள் தொகையுள்ள, லிங்காயத், வீரசைவ லிங்காயத்து சமூகத்தை, சித்தராமையா தலைமையிலான அரசு, தனி மத மாக, சமீபத்தில் அறிவித்தது. முக்கிய எதிர்க்கட்சி யான, பா.ஜ.,வும், சமீப காலமாக,