Dinamalar

ராஞ்சி: கால்நடைத்தீவனம் வாங்கியதில் அரசு கருவூலத்தில் ரூ.3. 13 கோடி கையாடல் செய்த வழக்கில் பீகார் முன்னாள் முதல்வர் லாலு குற்றவாளி எனவும் அவருக்கு ஆண்டு சிறைத்தண்டனை பின்னர் அறிவிக்கப்படும் என்றும் விதித்து சி.பி.ஐ.,சிறப்பு கோர்ட் தீர்ப்பளித்துள்ளது. ஏற்கனவே முன்னதாக பல்வேறு வழக்குகளில் தண்டனை பெற்று சிறையில் அடைக்கப்பட்டிருக்கும் லாலுவுக்கும் மேலும் ஒரு தண்டனையால் அவரது எதிர்கால அரசியல் கேள்விக்குறியாகியுள்ளது. இன்றைய வழக்கில் 19 பேர் குற்றவாளி எனவும், முன்னாள் முதல்வர் ஜெகன்னாத்மிஸ்ரா 12 பேரை விடுவிப்பதாகவும் தீர்ப்பில் கூறப்பட்டுள்ளது.

பீஹார் முன்னாள் முதல்வர்கள், லாலு பிரசாத்

மற்றும் ஜெகன்னாத் மிஸ்ரா ஆகியோர், தும்கா கருவூலத்தில் இருந்து, 3.13 கோடி ரூபாய் மோசடி செய்ததாக தொடரப்பட்ட, மாட்டுத் தீவன ஊழலின், நான்காவது வழக்கில், இன்று தீர்ப்பு வழங்கப்பட்டது.
இரண்டு முறை தள்ளி வைக்கப்பட்ட இந்த தீர்ப்பை, சி.பி.ஐ.,சிறப்பு நீதிபதி, ஷிவ் பால் சிங் இன்று வழங்குகிறார். லாலு பிரசாத் மற்றும் ஜெகன்னாத் மிஸ்ரா தவிர, முன்னாள், ஐ.ஏ.எஸ்., அதிகாரிகள், கால்நடைத்துறை அதிகாரிகள் உட்பட, 29 பேருக்கும் இன்று தீர்ப்பு வழங்கப்பட்டது. மாநிலத்தில், 1990களில், கால்நடை தீவனம் வாங்கியதில் ஊழல் நடந்ததாக புகார் எழுந்தது.
போலி பில்கள் கொடுத்து, கருவூலங்களில் இருந்து, 950 கோடி ரூபாய் பணம் எடுத்து, முறைகேடு நடந்தது தொடர்பாக, சி.பி.ஐ., விசாரித்தது.இந்த வழக்குகள், ஜார்க்கண்ட் மாநிலம், ராஞ்சியில் உள்ள, சி.பி.ஐ., சிறப்பு நீதிமன்றத்தில் விசாரிக்கப்பட்டன.