Dinamalar

புதுடில்லி:'நாட்டின் நலன் கருதி, வங்கக் கடலில் உள்ள ராமர் பாலத்திற்கு, எவ்வித சேதமும் ஏற்படாத வகையில், மாற்று வழித் தடத்தில், சேது சமுத்திர திட்டம் செயல்படுத்தப் படும்' என, மத்திய அரசு தெரிவித்துள்ளது. இதன் மூலம், மத உணர்வுகளை புண்படுத்தா மல், சுமுகமான முறையில் வளர்ச்சித் திட்டத்தை நிறைவேற்றுவதற்கான வாய்ப்பு ஏற்பட்டுள்ளது.

இந்தியா - இலங்கை இடையே, கடல் வழி வர்த்தகம், போக்குவரத்தை மேம்படுத்தும் வகையில், வங்கக் கடலில், சேது சமுத்திர திட்டத்தை செயல்படுத்த, மத்திய அரசு திட்டமிட்டது.

கடும் எதிர்ப்பு

வல்லுனர்களால் முன் மொழியப்பட்ட வழித் தடத்தில், கடலின் அடியில், ஹிந்துக்களால் புனிதமானதாக கருதப்படும், ராமர் பாலம் இருப்பதால், இத்திட்டத்திற்கு கடும் எதிர்ப்பு கிளம்பியது.எனினும், முந்தைய, காங்., தலைமையிலான, ஐக்கிய முற்போக்கு கூட்டணி அரசு, இந்த திட்டத்தை

செயல்படுத்துவதில், தீவிரம் காட்டியது. அவசர கதியில், ராமர் பாலத்தை இடித்து, அதன் வழியாக, புதிய வழித்தடத்தை அமைக்கும் முயற்சியில் இறங்கியது.


இதனால் கொதிப்படைந்த ஹிந்துத்வா அமைப்பினர், சேது சமுத்திர திட்டத்திற்கு கடும் எதிர்ப்பு தெரிவித்தனர். இதையடுத்து, பா.ஜ., மூத்த தலைவர், சுப்பிரமணியன் சாமி, 2007ல், சேது திட்டத்திற்கு எதிராக, உச்ச நீதிமன்றத்தில் வழக்கு தொடர்ந்தார்.'ராமர் பாலத்தை இடித்தோ, அதற்கு சேதம் விளைவிக்கும் வகையிலோ, எந்த திட்டத்தையும் செயல்படுத்தக் கூடாது'என, சுப்பிரமணியன் சாமி தன் தரப்பு வாதத்தில் எடுத்துரைத்தார்.


இதற்கு பதில் மனு தாக்கல் செய்த, காங்., தலைமையிலான, முந்தைய ஐக்கிய முற்போக்கு கூட்டணி அரசு, 'ராமர் பாலத்திற்கும், மத உணர்வுகளுக்கும் தொடர்பில்லை; ராமர் என்பவர் இதிகாசத்தில் கூறப்பட்டுள்ள கற்பனை கதாபாத்திரமே' என, தன் தரப்பு வாதத்தை முன் வைத்தது.காங்., தலைமையிலான முந்தைய அரசின் வாதத்திற்கு, நாடு முழுவதும் கடும் எதிர்ப்பலை எழுந்ததை அடுத்து, அந்த கருத்து திரும்ப பெறப்பட்டது.

766 கோடி ரூபாய்

எனினும், இந்த திட்டத்திற்காக, ஏற்கனவே, 766 கோடி ரூபாய் செலவிடப்பட்டுள்ளதாகவும், திட்டத்தை நிறைவேற்றுவதால் கிடைக்கும் பலன் கருதி, இதை செயல்படுத்த வேண்டும் என, 2013ல், முந்தைய அரசு சார்பில் தெரிவிக்கப்பட்டது. ,