Dinamalar

புதுடில்லி : ஐ.என்.எக்ஸ்., மீடியா முறைகேடு வழக்கில் கைது செய்யப்பட்ட, காங்கிரசைச் சேர்ந்த, முன்னாள் மத்திய நிதியமைச்சர், சிதம்பரத்தின் மகன், கார்த்தியை, ஐந்து நாள் காவலில் எடுத்து விசாரிக்க, சி.பி.ஐ.,க்கு, டில்லி கோர்ட் அனுமதி அளித்து உள்ளது.

மஹாராஷ்டிரா மாநிலம், மும்பையை சேர்ந்த, ஐ.என்.எக்ஸ்., மீடியா என்ற, 'டிவி' நிறுவனம், விதிமுறைகளை மீறி, அதிக அளவில் அன்னிய முதலீட்டை பெற்றதாக, சி.பி.ஐ., அதிகாரிகள் வழக்குப் பதிவு செய்தனர். அன்னிய முதலீடாக, 4.2 கோடி ரூபாய் பெறுவதாக, எப்.ஐ.பி.பி., எனப்படும், அன்னிய முதலீட்டு மேம்பாட்டு வாரியத்திடம் அனுமதி பெற்று, 305 கோடி ரூபாய் முதலீட்டை, ஐ.என்.எக்ஸ்., நிறுவனம் பெற்றது.

அப்போதைய மத்திய நிதியமைச்சர், சிதம்பரத்தின் மகன், கார்த்தி, நிதியமைச்சக அதிகாரத்தை முறைகேடாக பயன்படுத்தி, இந்த முறைகேட்டுக்கு உதவியதாக குற்றஞ்சாட்டப்பட்டது.

இது தொடர்பாக, விசாரணை நடந்து வரும் நிலையில், வெளிநாட்டிற்கு சென்றிருந்த, கார்த்தி, நேற்று முன்தினம் காலை நாடு திரும்பிய போது, சென்னை விமான நிலையத்தில், சி.பி.ஐ., அதிகாரிகளால் கைது செய்யப்பட்டு, உடனடியாக டில்லி அழைத்து செல்லப்பட்டார்.

அவரை, ஒரு நாள் காவலில் எடுத்து விசாரிக்க, டில்லி கோர்ட் அனுமதி வழங்கியது. இதையடுத்து, நேற்று காலை, கார்த்தி, தனக்கு நெஞ்சு வலி ஏற்படுவதாக தெரிவித்தார்; அவருக்கு மருத்துவ பரிசோதனைகள் நடந்தன; அதன் பின், அதிகாரிகள், அவரை கோர்ட்டில் ஆஜர் படுத்தினர். விசாரணைக்கு, கார்த்தி ஒத்துழைப்பு அளிக்கவில்லையென, சி.பி.ஐ., தரப்பில் குற்றஞ்சாட்டப்பட்டது. மேலும், அவரை, 14 நாட்கள் காவலில் எடுத்து விசாரிக்க, சி.பி.ஐ., அனுமதி கோரியது.

கார்த்தி தரப்பில் ஆஜரான வக்கீல், அபிஷேக் சிங்வி, இதற்கு கடும் ஆட்சேபம் தெரிவித்தார். ஆறு மாதங்களாக, எவ்வித நோட்டீசும் அளிக்காமல், கார்த்தியை திடீரென கைது செய்துள்ளதாக, சி.பி.ஐ., மீது குற்றஞ்சாட்டினார். கார்த்தி, முறைகேட்டில் ஈடுபட்டதற்கான ஆதாரங்கள் இருப்பதாகவும், வெளிநாடு சென்று, அவர் பணம் பெற்றதாக கூறப்படும் வங்கி கணக்கை முடித்திருப்பதாகவும், சி.பி.ஐ., தரப்பில் தெரிவிக்கப்பட்டது.

இதையடுத்து, கார்த்தியை, ஐந்து நாள் காவலில் எடுத்து விசாரிக்க, சி.பி.ஐ., அதிகாரிகளுக்கு,