நிம்மதி பெருமூச்சுவிட்ட காளிதாஸ் ஜெயராம்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

நிம்மதி பெருமூச்சுவிட்ட காளிதாஸ் ஜெயராம்

26 பிப், 2018 - 16:10 IST

எழுத்தின் அளவு:

சினிமாவில் படங்களை திரையுடுவதில் முக்கிய பங்கு வகிக்கும் க்யூப் மற்றும் யு எப் ஓ உள்ளிட்ட நிறுவனங்களின் கட்டணக் கொள்ளைக்கு எதிர்ப்பு தெரிவித்து, வரும் மார்ச்-1 முதல் தமிழ் திரையுலகம் மட்டுமல்லாது தென்னிந்திய திரையுலகங்களும் சேர்ந்து வேலைநிறுத்தத்தை துவங்க உள்ளன.

இதனால் மார்ச்-1 முதல் புதிய படங்கள் எதுவும் வெளியாக வாய்ப்பில்லை. அதேசமயம் மலையாள திரையுலகம் மட்டும் இதிலிருந்து சற்றே விலகி, மார்ச்-1ஆம் தேதி மட்டும் அடையாள வேலை நிறுத்தத்தில் ஈடுபடுகிறது. ஆனால் வழக்கம்போல மார்ச்-2, 9 ஆகிய தேதிகளில் ஏற்கனவே திட்டமிட்டுள்ள படங்கள் ரிலீஸாக இருக்கின்றன.

இந்த முடிவால் ஜெயராமின் மகன் காளிதாஸ் நிம்மதி பெருமூச்சு விட்டுள்ளார். மலையாளத்தில் அவர் அறிமுகமாகி நடித்துள்ள 'பூமரம்' படம் இரண்டு வருடங்களாக பல சிரமங்களை கடந்து வரும் மார்ச்-9ஆம் தேதி தான் ரிலீஸாக இருக்கிறது.

மலையாள திரையுலகம் ஒரு நாள் மட்டுமே அடையாள வேலைநிறுத்தம் செய்வதால் தனது படம் திட்டமிட்டபடி வெளியாகிவிடும் என மகிழ்ச்சியில் இருக்கிறாராம் காளிதாஸ் ஜெயராம்.