பாரிமுனை: வெளிநாடுகளில் இருந்து சிகரெட் பாக்கெட்கள் கடத்தி வந்து சென்னை பாரிமுனை, பர்மாபஜார், கொத்தவால்சாவடி, சவுகார்பேட்டை மற்றும் புறநகர் பகுதிகளில் விற்பனை செய்யப்படுவதாக, வடக்கு கடற்கரை போலீசாருக்கு ரகசிய தகவல் கிடைத்தது. அதன்பேரில், இன்ஸ்பெக்டர் மாரிமுத்து தலைமையிலான போலீசார் நேற்று முன்தினம் இரவு பர்மா பஜாரில் உள்ள கடைகளில் அதிரடி சோதனை நடத்தினர். அப்போது, வியாசர்பாடியை சேர்ந்த மாதவன் (26) என்பவருக்கு சொந்தமான கடையில் 30 பண்டல் வெளிநாட்டு சிகரெட் இருந்தது கண்டுபிடிக்கப்பட்டது. இவற்றின் மதிப்பு 3 லட்சம் என கூறப்படுகிறது. அந்த சிகரெட் பாக்கெட்களை பறிமுதல் செய்த போலீசார், மாதவனை கைது செய்து புழல் சிறையில் அடைத்தனர்.