சென்னை: பிரிமியர் நிறுவனம் பெயரில் மிக்சி, குக்கர் உள்பட வீட்டு உபயோக பொருட்கள் போலியாக தயாரித்து, தமிழகம் முழுவதும் விற்பனை செய்யப்படுவதாக கோவை, மதுரை, சேலம் மற்றும் வேலூர் ஆகிய பகுதிகளில், ஏராளமான புகார்கள் காவல் நிலையத்தில் அளிக்கப்பட்டன. இதுகுறித்த புகார்களின்பேரில், போலீசார் வழக்குப்பதிவு செய்து விசாரணை நடத்தியதில் பல லட்சக்கணக்கான போலி சமையல் சாதனங்கள் கைப்பற்றப்பட்டது. இவற்றை தயாரித்து விற்ற கடைகளின் உரிமையாளர்களை போலீசார் கைது செய்து, விசாரணை நடத்தி வருகின்றனர்.