சென்னை: கோவை துர்கா ஏஜென்சிஸ் என்ற நிறுவனம் கடந்த அக்டோபர் 2016ம் ஆண்டு  ரெப்கோ நிறுவனத்தில் வாங்கிய கடனை முன்னதாக திருப்பி செலுத்தும்போது, அதற்கான அபராதத்திற்கு விலக்கு அளித்ததில் முறைகேடு  நடந்ததாக, ரெப்கோ வீட்டு வசதி கடன் நிறுவன மேலாண்மை இயக்குநர் வரதராஜன் மற்றும் செயல்  இயக்குநர் ரகு, உதவி பொது மேலாளர் கண்ணன், வங்கியின் துணைப்பொது மேலாளர்  சேகர் ஆகியோர் மீது சிபிஐ முதல் தகவல் அறிக்கை பதிவு செய்து விசாரணை நடத்தியது. இதுகுறித்து நீதிமன்றத்தில் சிபிஐ தாக்கல் செய்த மனுவில், முறைகேடு நடந்ததற்கான  எவ்வித ஆதாதாரமும் இல்லை என்றும், தவறான தகவல்  என்ற அடிப்படையில் முதல் தகவல் அறிக்கையை முடித்து வைக்குமாறும் அறிக்கை அளித்தது. இதனை ஏற்ற சிபிஐ சிறப்பு நீதிமன்றம் வழக்கை முடித்து வைத்தது. கைப்பற்றப்பட்ட ஆவணங்கள் மற்றும் சொத்துக்களை திரும்ப அளிக்கவும் உத்தரவிட்டது.