சத்தியமங்கலம்:  ஈரோடு மாவட்டம் சத்தியமங்கலத்தை அடுத்துள்ளது கடம்பூர். இங்குள்ள மலைப்பகுதியில் நேற்று முன்தினம் காலை குட்டியானை உடல்நலம் குன்றிய நிலையில் படுத்துக்கிடந்தது. அருகே தாய் யானை சோகத்துடன் நின்றிருந்தது. தாய் யானை யாரையும் அருகில் செல்லவிடாமல் நின்றது. நேற்று முன்தினம் மாலை  அதனை வனத்துறையினர் விரட்டிவிட்டு குட்டிக்கு தொடர்ந்து சிகிச்சை அளித்தனர்.  இதனிடையே நேற்று மாலை 5 மணியளவில் குட்டியானை எழுந்து நின்றது. பின்னர் தூரத்தில் நின்ற தாய் யானை அருகே சென்று, அங்கிருந்து இரண்டும் காட்டுக்குள் சென்றன.