குடியாத்தம்: ஆந்திர மாநிலம், சித்தூர் மாவட்ட வனப்பகுதியில் இருந்து 2 யானைகள், வேலூர் மாவட்டம், குடியாத்தம் வனப்பகுதிக்குள் கடந்த சில தினங்களுக்கு முன்பு நுழைந்தது. அப்போது வனப்பகுதியில் இருந்த யானைகள், ஆந்திர யானைகளை நுழைய விடாமல் விரட்டியடித்தது.இதனால் அந்த யானைகள் பேரணாம்பட்டு வனப்பகுதிக்குள் சென்றுவிட்டது.  இந்நிலையில், இந்த 2 யானைகளும் நேற்று முன்தினம் இரவு குடியாத்தம் அடுத்த தனகொண்ட பள்ளி கிராமத்திற்குள் நுழைய முயன்றன. வனத்துறையினர், பட்டாசுகளை வெடித்தும், மேளம் அடித்தும் சுமார் 2 மணி நேரம் போராடி யானைகளை விரட்டியடித்தனர்.