மேலூர்: மதுரை மாவட்டம், மேலூர் பகுதியில் கீழவளவு, கீழையூர், திருவாதவூர், இ.மலம்பட்டி பகுதியில் செயல்பட்ட கிரானைட் குவாரிகள் பல்வேறு முறைகேடுகளில் ஈடுபட்டதாக வழக்குகள் பதிவு செய்யப்பட்டன. இந்த வழக்குகள் மேலூர் குற்றவியல் கோர்ட்டில் தொடர்ந்து நடைபெற்று வருகிறது. நேற்று கிரானைட் கற்களை அரசுடமையாக்ககோரி தொடர்ந்த வழக்குகளில், 4 வழக்குகள் விசாரணைக்கு வந்தன. இதனைதொடர்ந்து பிஆர்பி கிரானைட், மதுரா கிரானைட் உட்பட 9 நிறுவனங்கள் மீது போலீசார் தொடர்ந்த 9 வழக்குகள் விசாரணைக்கு வந்தன. மொத்தம் 13 வழக்குகளையும் ஏப். 4ம் தேதிக்கு ஒத்திவைத்து மாஜிஸ்திரேட் பழனிவேல் உத்தரவிட்டார்.