ചെസ്: ആദിത്യ ചാമ്പ്യൻ

കൊച്ചി > സംസ്ഥാന അണ്ടർ 11 ചെസ് ചാമ്പ്യൻഷിപ്പിൽ എറണാകുളത്തിന്റെ ആദിത്യ എ ചുള്ളിക്കാടിന് കിരീടം. എട്ട് റൗണ്ട് മത്സരത്തിൽ ആദിത്യ ഏഴ് പോയിന്റ് നേടി. ആലുവ ജീവസ് സിഎംഐ സെൻട്രൽ സ്കൂളിലെ നാലാം ക്ലാസ് വിദ്യാർഥിയാണ്. തൃശൂരിന്റെ ജോൺ പോളിനാണ് രണ്ടാംസ്ഥാനം. ഇരുവരും തമിഴ്നാട്ടിലെ കാരക്കുടിയിൽ നടക്കുന്ന ദേശീയ ചാമ്പ്യൻഷിപ്പിൽ പങ്കെടുക്കും. ജൂലൈ 28 മുതൽ ആഗസ്ത് അഞ്ചുവരെയാണ് ചാമ്പ്യൻഷിപ്.