அகமதாபாத்: அகமதாபாத்தில் சபர்மதி ஆற்றின் முன்புறத்தில் அமர்ந்திருந்த காதல் ஜோடிகளை பஜ்ரங் தள் அமைப்பினர் விரட்டியடித்துள்ளனர். உலகம் முழுவதும் இன்று காதலர் தினம் கொண்டாடப்பட்டு வருகிறது. இந்நிலையில் அகமதாபாத் மற்றும் ஐதராபாத் மாவட்டங்களில் காதலர் தினத்துக்கு எதிராக ஆர்ப்பாட்டம் நடத்தி வருகின்றனர். ஆர்ப்பாட்டத்தின் ஒரு பகுதியாக அகமதாபாத்தின் சபர்மதி ஆற்றின் கடற்கரையில் இருந்த காதல் ஜோடியை பஜ்ரங் தள் அமைப்பினர் துன்புறுத்தி விரட்டியடித்துள்ளனர். மேலும் ஐதராபாத்திலும் பஜ்ரங் தள் அமைப்பினர் காதலர் தினத்துக்கு எதிராக போராட்டம் நடத்தி வருகின்றனர். காதலர் தினத்துக்கு எதிரான போஸ்டர்களை ஏந்தி கோஷங்களை எழுப்பியும், உருவ பொம்மையை எரித்தும் எதிர்ப்பு தெரிவித்து வருகின்றனர்.