കൊച്ചി > മുൻ സംസ്ഥാന പൊലീസ് മേധാവി കലൂർ ആസാദ് റോഡ് വട്ടവയലിൽ വീട്ടിൽ വി.ജോസഫ് തോമസ് (76) അന്തരിച്ചു. വിജിലൻസ് മേധാവി, പോലീസ് ഹെഡ്ക്വാർട്ടേഴ്‌സ് ഐ.ജി, ജി.സി.ഡി.എ ചെയർമാൻ തുടങ്ങിയ സ്ഥാനങ്ങൾ വഹിച്ചിട്ടുണ്ട് .കലൂർ അന്താരാഷ്ട്ര സ്റ്റേഡി‍യത്തിന്റെ നിർമാണത്തിൽ മുഖ്യ ചുമതല ഇദ്ദേഹത്തിനായിരുന്നു.
ഭാര്യ: കാഞ്ഞിരപ്പള്ളി കുരിശുമൂട്ടിൽ മുക്കാടൻ കുടുംബാംഗമായ മറിയമ്മ തോമസ്. മകൾ : ട്വിങ്കിൾ തോമസ്. മരുമകൻ: വി.ജെ.തോമസ് ജോസഫ് വയലാട്ട് (വി.ടി.ജെ.ഗ്രൂപ്പ് ). കൊച്ചിൻ ഇന്റർനാഷണൽ എയർപോർട്ട് ലിമിറ്റഡ് മാനേജിങ് ഡയറക്ടർ വി.ജെ.കുര്യൻ സഹോദരനാണ്. മറ്റ് സഹോദരങ്ങൾ : പരേതനായ വി.ജെ.ജോസഫ്, വി.ജെ.മാത്യു, വി.ജെ.ആന്റണി, വി.ജെ.ഫ്രാൻസിസ്, മറിയാമ്മ മാത്യു, ഡെയ്‌സ സെബാസ്റ്റ്യൻ, പരേതയായ ജെസി സാലി.
തിരുവനന്തപുരം ലോ കോളേജിൽ ബിരുദ പഠനത്തിന് ശേഷം അഞ്ച് വർഷം കരസേനയിൽ ക്യാപ്ടനായി സേവനമനുഷ്ഠിച്ച ജോസഫ് തോമസിന് 1964-ൽ ഐ.പി.എസ്.സെലക്ഷൻ ലഭിച്ചു. പാലക്കാട് അസി.എസ്.പിയായിട്ടായിരുന്നു സേവനം ആരംഭിച്ചത്. തുടർന്ന് കണ്ണൂർ എസ്.പി, തിരുവനന്തപുരം, കൊച്ചി കമ്മിഷണർ, കൊച്ചി റേഞ്ച് ഐ.ജി എന്നീ നിലകളിൽ പ്രവർത്തിച്ചു. കേരള ഇലക്ട്രിക്കൽ ആന്റ് അലൈഡ് എൻജിനീയറിങ് കമ്പനി, കേരള ബുക്ക്‌സ് ആന്റ് പബ്ലിഷിങ് സൊസൈറ്റി തുടങ്ങിയ സ്ഥാപനങ്ങളിൽ മാനേജിങ് ഡയറക്ടറായിരുന്നു. 2001-ൽ വിജിലൻസ് ഡയറക്ടറായി സർവീസിൽ നിന്ന് വിരമിച്ചു.
മൃതദേഹം കലൂർ ആസാദ് റോഡിലെ വസതിയിൽ. സംസ്‌ക്കാരം ഞായറാഴ്ച ഉച്ചയ്ക്ക് 3.30 ന് തൃക്കാക്കര ഭാരതമാതാ കോളേജിന് സമീപം വിജോ ഭവൻ സെമിത്തേരിയിൽ